یارمنه باخدی گئتدی !
گؤز یاشیم آخدی گئتدی !
ساغ گؤزومه کوچه ده
بارماغین تاخدی گئتدی

مرد " کیشی " ، " آرواد " زن دیر

معلم " اؤیرتمَن " دیر

میللت اؤلوب، اَینینده

پالتار دئییل، کفن دیر

mərd "kişi " arvad"zən "dir

moəllim "öyrətmən "dir

millət ölüb , əynində

paltar dəyil ,kəfəndir

یوخسول آدام کی شُهره اولوبدور ریاضته !
احسنت اونداکی دؤزومَه ؛ استقامته !

صَفده ازیلدی جوجه تک اولدو دیدیک دیدیک !
چاتدی تویوق صَفینده عم اوغلو شهادته !

من ایستیرم سنی بوراخیم؛سن بوراخمیسان !
قالدی طلا قیمیز بیزیم آرواد قیامته !

خلقین ایچینده چونکو قباحتلیدور طلاق !
آرواد کیشیلر اوز گَتیریبلر خیانته !

ایراندا باشلا نیبد یر المپیکِ اختلاس !
بیر عدّه اوغرولوغدا دوشوبلار رقابته !

مسجدده گؤردو بیرکَره بیرکرَه بیر نازلی قامتی
ساتدی بهشتی زاهدِ عاقل او قامته !

اودلاندی دادگایهدا الی بوش آدام دئدی :
«قاضی کی رشوه آلماسا گئتمز قضاوته»!

ائوده د ئدی کی:«من گئدیرم مشهده صاباح»!
تایلنده گئتدی حاجی فلانی زیارته !!

اوغرولارین رئیسینه یازد یم دونن گئجه :
«توت اوغرولاری،چون ائویمیز گئتدی غارته» !

قارداشلارین شعاری بودور: قوزا هر زادی !
باخما حلال ؛ حراما،توپورسن قباحته !

سَن وئر ریاستی منه ؛ باخ گؤر کی من نئجه
میلیارد اختلاس ائدَرم ایکی ساعته !!

شعریم غلط دئییل بیلورم وار فصاحتی
آمما اهمیّت وئره رم من بلاغته

دَگیشیکلیک " انقلاب " دیر

تَه " دیب " دیر ، " ایپ " طناب دیر

آجیندان اولون آمما

اوروج توتون ثواب دیر

سَن سیز بیتیب طاقتیم

یاتیب بختیم ، ساعتیم

یئرلَشمَز هئچ کلمَه دَه

سَنَه اولان حسرتیم

sənsiz bitib taqətim

yatib bəxtim , saətim

yerləşməz heç kelemədə

sənə olan həsrətim

نان " چورَک " دور ، آب " سو " دور

ایشیق لیق، ایشیق " سو " دور

صحبت کردن :دانیشماق

سوسماغین قوخوسودور

اولماماغین چوخ آغیر

حیاتیم کئچیر آغیر

سَن یوخسان ، اؤرَییمدَه

آغیر ، آغیر قار یاغیر

olmamagin çox Ağir

Həyatim keçir Ağir

sən yoxsan , yörəyimde

ağir ağir Qar Yağir

ماه " آی " ، سوراخ "دَلیک " دیر

روزنامه "گونده لیک " دیر

انسان یازیق بیر سیچان

اؤلوم قاراپیشیک دیر

mah "ay ",surax "dəlik "dir

ruznamə "gündəlik "dir

insan  yaziq bir siçan

ölüm " qara pişik "dir " 

یاش گؤزلریم قارالیر

تئللریمی قار آلیر

آرواد-اوشاق یانیندا

هر گون اوزوم قارالیر